കണ്ണൂര്‍: കരിവെള്ളൂര്‍ സമരനായകന്‍ എ.വി കുഞ്ഞമ്പുവിന്റെ ഭാര്യയായിരുന്ന കെ ദേവയാനിയുടെ പേരില്‍ ഏര്‍പെടുത്തിയ പ്രഥമഅവാര്‍ഡ് വിപ്ലവ ഗായിക പി.കെ മേദിനിക്ക്. 25000 രൂപയും പ്രകാശന്‍ പുത്തൂര്‍ രൂപകല്‍പന ചെയ്ത ഫലകവും പ്രശസ്തി പത്രവുമാണ് അവാര്‍ഡ്. പ്രൊഫ. ടി.എ ഉഷാകുമാരി, എന്‍ സുകന്യ, കരിവെള്ളൂര്‍ മുരളി എന്നിവരാണ് അവാര്‍ഡ് കമ്മിറ്റി അംഗങ്ങള്‍. അവാര്‍ഡ് വിതരണ ചടങ്ങ് പിന്നീട് തീരുമാനിക്കുമെന്ന് കെ ദേവയാനി മെമ്മോറിയല്‍ ട്രസ്റ്റിനുവേണ്ടി മാനേജിങ് ട്രസ്റ്റി അഡ്വ.കെ വിജയകുമാര്‍ അറിയിച്ചു.