പെരിയ: ഉദുമ ഗവ. ആര്‍ട്‌സ് ആന്റ് സയന്‍സ് കോളജില്‍ എസ്.എഫ്.ഐ-എം.എസ്.എഫ് പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ 17 പേര്‍ക്കെതിരേ ബേക്കല്‍ പൊലിസ് കേസെടുത്തു. കഴിഞ്ഞ ദിവസം വൈകുന്നേരത്തോടെയാണ് കോളജ് പരിസരത്ത് വിദ്യാര്‍ഥികള്‍ തമ്മില്‍ സംഘര്‍ഷമുണ്ടായത്.
എം.എസ്.എഫ് പ്രവര്‍ത്തകനായ മുഹമ്മദ് അനസിന്റെ (18) പരാതിയില്‍ നിധിന്‍, രാഗേഷ്, വിഷ്ണുഭഗത്, വിഷ്ണുനായര്‍, മുസമ്മില്‍ തുടങ്ങിയ എസ്.എഫ്.ഐ പ്രവര്‍ത്തകര്‍ക്കെതിരേയും എസ്.എഫ്.ഐ പ്രവര്‍ത്തകനായ കെ.വി നിധിനിന്റെ (21) പരാതിയില്‍ ജംഷാദ്, മന്‍സൂര്‍, ഇര്‍ഫാന്‍ എന്നിവരുമുള്‍പ്പെടെ 17 പേര്‍ക്കെതിരേയാണ്  പൊലിസ് കേസെടുത്തത്.
യൂനിയന്‍ തെരഞ്ഞെടുപ്പുമായി ബന്ധപ്പെട്ടുണ്ടായ തര്‍ക്കമാണു സംഘര്‍ഷത്തിനു കാരണമായത്.