കുമ്പള: കുമ്പളയില്‍ നിന്നു ബൈക്കു കവര്‍ന്ന കേസില്‍ ഒരാള്‍ കൂടി അറസ്റ്റില്‍. ബംബ്രാണയിലെ രവീന്ദ്രന്‍ എന്ന ഡബ്ബി രവി (20)യാണ് അറസ്റ്റിലായത്.
കുമ്പള റെയില്‍വേ സ്റ്റേഷന്‍ പരിസരത്തു നിന്നു മൊഗ്രാലിലെ ദില്‍ഷാദെന്നയാളുടെ ബൈക്ക് മോഷ്ടിച്ച കേസിലാണ് അറസ്റ്റ്. ഈ കേസില്‍ നീരോളി ബദ്‌രിയ നഗറിലെ മൊയ്തീന്‍ ഷംസീറി (25)നെ കുമ്പള പൊലിസ് നേരത്തെ അറസ്റ്റ് ചെയ്തിരുന്നു.
വിവിധ ഭാഗങ്ങളില്‍ നിന്ന് ഇവര്‍ ബൈക്ക് മോഷ്ടിച്ചതായാണ് പൊലിസ് സംശയിക്കുന്നത്. കുമ്പളയില്‍ നിന്നു കവര്‍ന്ന ബൈക്ക് നാലു ദിവസം മുമ്പു ഷംസീറില്‍ നിന്നു കണ്ടെത്തിയിരുന്നു.
കര്‍ണാടക ഉര്‍വ പൊലിസ് സ്റ്റേഷന്‍ പരിധിയില്‍ നിന്നു ബൈക്ക് കവര്‍ന്നതായും ഇവര്‍ മൊഴി നല്‍കിയിട്ടുണ്ട്.