പെരിന്തല്‍മണ്ണ: പരിസ്ഥിതി സംരക്ഷണത്തിന് മുസ്‌ലിംലീഗ് നടത്തി വരുന്ന പ്രവര്‍ത്തനങ്ങളുടെ ഭാഗമായി പുലാമന്തോള്‍ പഞ്ചായത്ത് ഹരിത കൂട്ടായ്മ പത്ത് ഏക്കറില്‍ നെല്‍കൃഷിയിറക്കി. വളപുരം പാടശേഖരത്തില്‍ ഞാറു നടീല്‍ ഉത്സവം മുസ്‌ലിം ലീഗ് പരിസ്ഥിതി സംരക്ഷണ സമിതി സംസ്ഥാന കണ്‍വീനര്‍ സലീം കുരുവമ്പലം ഉദ്ഘാടനം ചെയ്തു. ചടങ്ങില്‍ കര്‍ഷക പ്രമുഖന്‍ പള്ളിയാലില്‍ അബ്ദുവിനെ ആദരിച്ചു. കെ.ടി ജമാല്‍ മാസ്റ്റര്‍, കെ.ടി ഇസ്സുദ്ദീന്‍ എന്നിവര്‍ സംസാരിച്ചു.