ചങ്ങരംകുളം: 18കാരിയെ മൂന്നു മാസത്തോളം പീഡിപ്പിച്ച യുവാവ് അറസ്റ്റില്‍. പന്താവൂരിലെ ലോഡ്ജില്‍ താമസിക്കുന്ന 18കാരിയെയാണ് കുന്നംകുളം സ്വദേശിയായ റെജീഷ് (38)പീഡിപ്പിച്ചത്. ഇയാള്‍ ഇതേ ലോഡ്ജിലെ താമസക്കാരനായിരുന്നു. മാതാവ് ഇല്ലാത്ത സമയങ്ങളില്‍ പെണ്‍കുട്ടിയെ വശീകരിച്ചാണ് പീഡനം നടത്തിരുന്നത്.
പെണ്‍കുട്ടി ഗര്‍ഭിണിയായതിനെ തുടര്‍ന്നു ശാരീരിക അസ്വാസ്ഥ്യം അനുഭവപ്പെട്ടു. തുടര്‍ന്ന് ആശുപത്രിയില്‍ പ്രവേശിപ്പിച്ചപ്പോഴാണ് വിവരം പുറത്തറിഞ്ഞത്. തുടര്‍ന്നു ചൈല്‍ഡ് ലൈന്‍ പ്രവര്‍ത്തകരെ വിവരം അറിയിച്ചു. കുട്ടിക്കു പ്രായപൂര്‍ത്തിയായതിനാല്‍ തുടര്‍ന്നു പൊലിസില്‍ വിവരമറിയിക്കുകയായിരുന്നു. പൊന്നാനി സി.ഐ ജോണ്‍സന്റെയും ചങ്ങരംകുളം എസ്.ഐ മനീഷിന്റെയും നേതൃത്വത്തിലാണ് പ്രതിയെ അറസ്റ്റ് ചെയ്തത്.