കോഴിക്കോട്: ചാമ, തിന, കുതിരവാലി, വരക്, റാഗി തുടങ്ങിയ ചെറുധാന്യങ്ങള്‍ ഉപയോഗിച്ചുള്ള ഉല്‍പന്നങ്ങളുടെ പാചക പരിശീലനം നഗരത്തിലെ വീട്ടമ്മമാര്‍ക്ക് പുത്തന്‍ അനുഭവമായി. കാളാണ്ടിത്താഴം ദര്‍ശനം ഗ്രന്ഥാലയം, പീപ്പിള്‍ വെല്‍ഫെയര്‍ സഹകരണണ സൊസൈറ്റി, ഹെര്‍ബല്‍, നേച്ചര്‍ ലൈഫ് ആശുപത്രി എന്നിവയുടെ സഹകരണത്തോടെ മോഡല്‍ ഹൈസ്‌കൂളില്‍ സംഘടിപ്പിച്ച പരിപാടി പരിസ്ഥിതി പ്രവര്‍ത്തകന്‍ പ്രൊഫ. ടി. ശോഭീന്ദ്രന്‍ ഉദ്ഘാടനം ചെയ്തു.
പീപ്പിള്‍സ് വെല്‍ഫെയര്‍ സഹകരണ സംഘം പ്രസിഡന്റ് ഷേക്ക് സഫറുദ്ദീന്‍, ഗ്രീന്‍ വ്യൂ കര്‍ഷക കൂട്ടായ്മയിലെ എം.പി റജുല്‍കുമാര്‍, നേച്വര്‍ ലൈഫ് ഇന്റര്‍നാഷനല്‍ ഫിസിഷ്യന്‍ അമ്പാളി,
സൂര്യപ്രകാശ്, എസ്.എച്ച്.ആര്‍.ഡി വൈസ് ചെയര്‍മാന്‍ സി.പി കോയ, ഓര്‍ഗാനിക് ഫാര്‍മേഴ്‌സ് അസോസിയേഷന്‍ ദേശീയ നിര്‍വാഹകസമിതി അംഗം വി.കെ രാജന്‍ നായര്‍, കെ.കെ സുകുമാരന്‍, ബിന്ദു വാസുദേവ് സംസാരിച്ചു.
എന്‍.ജി.സി ജില്ലാ കോഡിനേറ്റര്‍ സിജേഷ് എന്‍. ദാസ് സ്വാഗതവും മോഡല്‍ സ്‌കൂള്‍ എക്കോ ക്ലബ് ടീച്ചര്‍ കോഡിനേറ്റര്‍ എം.ആര്‍ ദീപ നന്ദിയും പറഞ്ഞു.