കോഴിക്കോട്: കേരള കരാട്ടെ ഡൊ അസോസിയേഷന്റെ ആഭിമുഖ്യത്തില്‍ സംഘടിപ്പിക്കുന്ന 35-ാമത് കേരള കരാട്ടെ ഡൊ ചാംപ്യന്‍ഷിപ്പിന് വി.കെ കൃഷ്ണമേനോന്‍ ഇന്‍ഡോര്‍ സ്റ്റേഡിയത്തില്‍ തുടക്കമായി. സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ ഉദ്ഘാടനം ചെയ്തു. കേരള കരാട്ടെ ഡൊ അസോസിയേഷന്‍ പ്രസിഡന്റ് പി. രാമന്‍ ദയാല്‍ അധ്യക്ഷനായി. രാമേഷ്വര്‍ നിര്‍വാണ്‍, വൈസ് പ്രസിഡന്റ് പി.ആര്‍ രത്‌നപാല, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.ജെ മത്തായി, റഫറി കൗണ്‍സില്‍ ചെയര്‍മാന്‍ ഹസ്രത്ത് ഖാന്‍, സെന്‍സേയ് കെ. ജോയ്‌സ്, സെന്‍സേയ് ഇബ്രാഹിം ചാലിയത്ത്, ഷിഹാന്‍ മനോജ് മഹാദേവ, സെന്‍സേയ് എന്‍. ജോണ്‍, ഫിലിപ്പോസ്, അഡ്വ. കെ. ജയന്ത്, അനില്‍ സംസാരിച്ചു.