ധാക്ക: ബംഗ്ലാദേശിലെ മുതിര്‍ന്ന ജമാഅത്തെ ഇസ്‌ലാമി നേതാവ് മുതീഉര്‍റഹ്മാന്‍ നിസാമിയെ തൂക്കിലേറ്റി. 1971ലെ യുദ്ധക്കുറ്റങ്ങളുമായി ബന്ധപ്പെട്ടാണ് വധശിക്ഷ. നിസാമിയെ ധാക്കയിലെ സെന്‍ട്രല്‍ ജയിലില്‍ പ്രാദേശിക സമയം 12.01നാണ് തൂക്കിലേറ്റിയത്. 1971ലെ സ്വാതന്ത്ര്യസമരകാലത്ത് വംശഹത്യ, കൊലപാതകം, ബലാത്സംഗം എന്നീ കുറ്റങ്ങളാണ് 72 കാരനായ മുതീഉര്‍റഹ്മാന്‍ നിസമിയടെ മേല്‍ ചുമത്തപ്പെട്ടത്. വിധിക്കെതിരേ പ്രതി നല്‍കിയ ഹരജി സുപ്രിം കോടതി തള്ളിയിരുന്നു. സംഭവത്തോടനുബന്ധിച്ച് ധാക്കയിലും അതിര്‍ത്തികളിലും സുരക്ഷ ശക്തമാക്കിയിട്ടുണ്ട്.