പത്തനംതിട്ട: കടുവ ഇറങ്ങിയെന്ന വ്യാജ വാര്‍ത്ത പ്രചരിപ്പിച്ച സംഭവത്തില്‍ മൂന്നു പേര്‍ പിടിയില്‍. പത്തനംതിട്ട കലഞ്ഞൂരിലാണ് സംഭവം. കടുവയുടെ ചിത്രം സഹിതം വ്യാജ വാര്‍ത്ത പ്രചരിപ്പിച്ച സംഭവത്തില്‍ പാക്കണ്ടം സ്വദേശികളായ ആത്മജ്(20), അരുണ്‍ മോഹനന്‍(32), ഹരിപ്പാട് നങ്യാര്‍കുളങ്ങര സ്വദേശി ആദര്‍ശ് (27)എന്നിവരാണ് പൊലിസ് പിടിയിലായത്.

വാഹനത്തിന്റെ ഹെഡ് ലൈറ്റ് വെളിച്ചത്തില്‍ കടുവ വഴിവക്കില്‍ നില്‍ക്കുന്ന ചിത്രം സഹിതമാണ് സംഘം കലഞ്ഞൂര്‍ പാക്കണ്ടത്ത് കടുവയിറങ്ങിയെന്ന അടിക്കുറിപ്പോടെ ചിത്രങ്ങള്‍ പ്രചരിപ്പിച്ചത്. തിങ്കളാഴ്ചയാണ് വ്യാജ ചിത്രം നിര്‍മ്മിച്ചതെന്ന് അന്വേഷണത്തില്‍ വ്യക്തമായെന്ന് പൊലിസ് പറഞ്ഞു.

Three individuals arrested for spreading false information about a tiger sighting in Kerala, sparking widespread panic and highlighting concerns over misinformation.