ബംഗളുരു: കർണാടകയിൽ മണ്ണിടിച്ചിലിൽ കാണാതായ കോഴിക്കോട് സ്വദേശിയായ ലോറി ഡ്രൈവർ അർജുനും മറ്റ് രണ്ട് പേർക്കും വേണ്ടിയുള്ള തിരച്ചിൽ ഇന്ന് പുനരാരംഭിച്ചേക്കും. ഡ്രഡ്ജർ അടങ്ങിയ ടഗ് ബോട്ട് ഗംഗാവലിപ്പുഴയിലൂടെ അപകട സ്ഥലത്ത് ഇന്ന് എത്തിക്കും. രാവിൽ എട്ട് മണിയോടെ ഡ്രഡ്ജർ എത്തിയാലും ഇത് ഉറപ്പിക്കാൻ 4 മുതൽ 5 മണിക്കൂർ വരെ വേണ്ടി വരും. ഡ്രഡ്ജർ ഗംഗാവലി പുഴയിൽ ഉറപ്പിച്ച് നിർത്തിയ ശേഷമാകും തിരച്ചിൽ പുനരാരംഭിക്കുക.

ഉച്ചയോടെ ഡ്രഡ്ജർ ഉറപ്പിക്കാനായാൽ ഉടൻ തന്നെ മണ്ണു മാറ്റുന്ന പ്രവൃത്തി ആരംഭിക്കാനാവുമെന്നാണ് പ്രതീക്ഷിക്കുന്നത്. എന്നാൽ സമയം വൈകിയാൽ തെരച്ചിൽ നാളത്തേക്ക് മാറ്റേണ്ടിവരും. നാവികസേനയുടെ ഡൈവർമാരുടെ സംഘം ഇന്ന് ഉച്ചയ്ക്ക് ശേഷം എത്തിയേക്കുമെന്നാണ് വിവരങ്ങൾ. ഇവരുടെ പരിശോധനയും ഇന്ന് തുടങ്ങിയവക്കും. പുഴയിലെ അടിത്തട്ടിന്റെ സ്ഥിതി വിലയിരുത്തി നാവികസേനയുടെ നിർദേശം കൂടി കണക്കിലെടുത്ത് ആകും ജില്ലാ ഭരണകൂടം ഇന്നത് തെരച്ചിലിന്റെ കാര്യത്തിൽ അന്തിമ തീരുമാനം എടുക്കൂ.

അതേസമയം, കാർവാറിൽ നിന്ന് ബുധനാഴ്ച രാത്രി പുറപ്പെട്ട ഡ്രഡ്ജർ ഇന്നലെ രാവിലെ പത്ത് മണിയോടെ മഞ്ജുഗുണി അഴിമുഖത്ത് എത്തിയിരുന്നു. എന്നാൽ വേലിയേറ്റ സമയമായതിനാൽ ഗംഗാവലി പുഴയിലെ പാലം കടക്കുന്നതിനായില്ല. ഇതേതുടർന്ന്, ഡ്രഡ്ജർ അഴിമുഖത്ത് നങ്കൂരമിട്ടു. പിന്നീട് വൈകിട്ട് നാലു മണിക്ക് വേലിയിറക്കം തുടങ്ങിയതോടെയാണ് ഡ്രഡ്ജർ പാലത്തിനടിയിലൂടെ നീങ്ങിയത്. പക്ഷെ ഗംഗാവലി പുഴയിലെ ജല നിരപ്പ് കുറഞ്ഞതും രാത്രി ആയതിനാൽ പാലത്തിൻറെ വശങ്ങൾ അടക്കം കൃത്യമായി കാണുന്നതിന് തടസം നേരിട്ടതിനാലും റെയിവെ പാലത്തിനടിയിലൂടെ ഡ്രഡ്ജറിന് കടന്നു പോകാനായില്ല. വേലിയേറ്റ സമയത്താവും ഇനി പാലം കടത്തുക.

ഇതിനിടെ, ഇന്നലെ നാവികസേന നടത്തിയ പരിശോധനയിൽ ഗംഗാവലിപ്പുഴയിലെ ഒഴുക്ക് വളരെ കുറവാണ് എന്ന് കണ്ടെത്തിയിരുന്നു. പുഴയുടെ ഒഴുക്ക് ഒരു നോട്ട് മാത്രമാണ് എന്നാണ് കണ്ടെത്തൽ. അതായത് ഡൈവർമാർക്ക് ഇറങ്ങി മുങ്ങാൻ കഴിയുന്ന തരത്തിലുള്ള ഒഴുക്കാണ് ഇത്. നാവികസേന നടത്തിയ സോണാർ സിഗ്നലുകൾ വിലയിരുത്തി ഇന്ന് ജില്ലാ ഭരണകൂടത്തിന് വിവരം കൈമാറും.

The search for Arjun, a lorry driver from Kozhikode missing due to a landslide in Karnataka, is set to resume today. A tugboat equipped with a dredger will arrive at the accident site via the Gangavali River. Although the dredger is expected to arrive around 8 AM, it may take 4 to 5 hours to secure it before the search can officially restart.