പള്ളിപ്പുറം: ദാറുല്‍ അന്‍വാര്‍ ഇസ്‌ലാമിക് കോംപ്ലക്‌സ് കമ്മിറ്റിയുടെ കീഴില്‍ പ്രവര്‍ത്തിക്കുന്ന ഖുര്‍ആന്‍ സ്റ്റഡി സെന്റര്‍ സംഘടിപ്പിക്കുന്ന റഹ്മത്തുല്ല ഖാസിമിയുടെ അശൂറാഅ്ദിന സന്ദേശവും പ്രഭാഷണവും ദുആ മജ്‌ലിസും ഇന്ന് വൈകുന്നേരം ഏഴിന് മൂന്നുമൂല അന്‍വാര്‍ നഗറില്‍ നടക്കും. സി.കെ.എം സ്വാദിഖ് മുസ്‌ലിയാര്‍ ഉദ്ഘാടനം ചെയ്യും. ചെമ്പുലങ്ങാട് സി.പി മുഹമ്മദ്കുട്ടി മുസ്‌ലിയാര്‍ ദുആ മജ്‌ലിസിന് നേതൃത്വം നല്‍കും. പി.കെ മുഹമ്മദ്കുട്ടി മുസ്‌ലിയാര്‍, പി. മുഹമ്മദ്കുട്ടി മുസ്‌ലിയാര്‍, പി. അഹമദ് എന്ന കുഞ്ഞിപ്പു മുസ്‌ലിയാര്‍, ടി.കെ മുഹമ്മദ്കുട്ടി ഫൈസി, വി.പി കുഞ്ഞിപ്പു, പി.ടി മുഹമ്മദ്കുട്ടി ഹാജി, എം.പി ബാവഹാജി, പി. മാനുഹാജി, ഹാഫിള് സാജിത് മുസ്‌ലിയാര്‍, പി.ടി മാവനു ഹാജി, ടി. അബ്ദുല്‍റഷീദ് മാസ്റ്റര്‍ സംബന്ധിക്കും.