തേഞ്ഞിപ്പലം: അഞ്ചിന് നടക്കുന്ന ചേളാരി ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ സമ്പൂര്‍ണ പൂര്‍വ വിദ്യര്‍ഥി സംഗമം വിജയിപ്പിക്കുന്നതിന് സ്വാഗതസംഘം രൂപീകരിച്ചു. സ്വാഗതസംഘം ക്രമീകരണ യോഗം മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. പ്രൊഫ. എ.പി അബ്ദുള്‍ വഹാബ് അധ്യക്ഷനായി. പൂര്‍വ്വ വിദ്യാര്‍ഥി സംഘടന കണ്‍വീനര്‍ പി പ്രിന്‍സ് കുമാര്‍, ഗ്രാമപഞ്ചായത്ത് പ്രസിഡന്റ് സഫിയ റസാഖ്, എം.എ ഖാദര്‍, പി.ടി.എ പ്രസിഡന്റ് ഗോവിന്ദന്‍കുട്ടി, പ്രിന്‍സിപ്പല്‍ ടി.എന്‍ മുരളി, സ്‌കൂള്‍ പ്രധാനാധ്യാപിക കെ.ടി വൃന്ദകുമാരി, വി.പി ഷബീര്‍, എം അശോകന്‍ സംസാരിച്ചു.
സ്വാഗതസംഘം ഭാരവാഹികള്‍. പി.അബ്ദുല്‍ ഹമീദ് (മുഖ്യരക്ഷാധികാരി), ജില്ലാ പഞ്ചായത്തംഗങ്ങളായ എ.കെ അബ്ദുറഹ്മാന്‍, ബക്കര്‍ ചെര്‍ന്നൂര്‍, പഞ്ചായത്ത് പ്രസിഡന്റ് സഫിയ റസാഖ് ചെയര്‍മാന്‍ എം.എ ഖാദര്‍(രക്ഷാധികാരികള്‍ , പ്രൊഫ. എ.പി അബ്ദുള്‍ വഹാബ്(ജനറല്‍ കണ്‍വീനര്‍), പ്രിന്‍സ്‌കുമാര്‍(കണ്‍വീനര്‍), ടി.പി ഉസ്മാന്‍(വൈസ് ചെയര്‍മാന്‍ ). എന്നിവര്‍ ഉള്‍പ്പെടെ 501 അംഗ സ്വാഗതസംഘവും വിവിധ സബ് കമ്മറ്റികളെയും തെരഞ്ഞെടുത്തു.