അങ്ങാടിപ്പുറം: നഗരത്തിന്റെ വിവിധ പ്രദേശങ്ങളില്‍ തെരുവ് നായ ശല്യം രൂക്ഷമായി കൊണ്ടിരിക്കുമ്പോള്‍ ഇന്നലെ മറ്റൊരു സ്ത്രീക്കും തെരുവ് നായയുടെ കടിയേറ്റു. അങ്ങാടിപ്പുറം ചെരക്കാപറമ്പില്‍ പശുവിനെ മേക്കുകയായിരുന്ന ചെരക്കാപറമ്പില്‍ മൂലത്തിങ്ങല്‍ ഗീത (40) യാണ് തെരുവ് നായയുടെ ആക്രമണത്തിനിരയായത്.
നിലവിളി കേട്ട് ഓടിക്കൂടിയ നാട്ടുകാരാണ് ആശുപത്രിയിലെത്തിച്ചത്.ആഴ്ചകള്‍ക്ക് മുന്‍പ് അങ്ങാടിപ്പുറം ടൗണിന്റെ സമീപ പ്രദേശങ്ങളില്‍ നിന്നും രണ്ടു സ്ത്രീകള്‍ക്കും തെരുവ് നായയുടെ കടിയേറ്റിരുന്നു. മേഖലയില്‍ ഇത്രയും തെരുവ് നായ ശല്യമുണ്ടായിട്ടും അധികൃതര്‍ ഇടപെടാത്തത് ജനങ്ങള്‍ക്കിടയില്‍ പ്രതിഷേധത്തിന് കാരണമായിട്ടുണ്ട്.