കോഴിക്കോട്: സി.എച്ച് സോഷ്യോ കള്‍ച്ചറല്‍ ഓര്‍ഗനൈസേഷന്റെ ആഭിമുഖ്യത്തില്‍ അവാര്‍ഡ്ദാനവും അനുസ്മരണ സമ്മേളനവും സംഘടിപ്പിച്ചു. കോഴിക്കോട് സ്‌പോര്‍ട്‌സ് കൗണ്‍സില്‍ ഹാളില്‍ നടന്ന പരിപാടിയില്‍ ഡോ. എം.കെ മുനീറില്‍ നിന്ന് സി.എം നജീബ് അവാര്‍ഡ് ഏറ്റുവാങ്ങി. ചടങ്ങ് എം.സി മായിന്‍ ഹാജി ഉദ്ഘാടനം ചെയ്തു. 10 വനിതകള്‍ക്കുള്ള തയ്യല്‍ മെഷീന്‍ വിതരണോദ്ഘാടനം കോര്‍പറേഷന്‍ പ്രതിപക്ഷ നേതാവ് അഡ്വ. പി.എം സുരേഷ് ബാബു നിര്‍വഹിച്ചു.
ഐ.പി അശ്‌റഫ് അവാര്‍ഡ് ജേതാവിനെ പരിചയപ്പെടുത്തി. എസ്.ടി.യു സംസ്ഥാന പ്രസിഡന്റ് അഹമ്മദ് കുട്ടി ഉണ്ണിക്കുളം സി.എച്ച് അനുസ്മരണ പ്രഭാഷണം നടത്തി.
അഡ്വ. പാലത്ത് ഇമ്പിച്ചിക്കോയ, എം.ഇ.എസ് ജില്ലാ പ്രസിഡന്റ് സി.ടി സക്കീര്‍ ഹുസൈന്‍, ടി.പി അബ്ദുറസാഖ് സംസാരിച്ചു.
അഡ്വ. പി.എം ഹനീഫ അധ്യക്ഷനായി. കെ. അബ്ദുല്‍ അസീസ് സ്വാഗതം പറഞ്ഞു.