കുന്ദമംഗലം:കാരന്തൂര്‍ ടൗണ്‍ മുസ്‌ലിം ലീഗ് സമ്മേളനത്തിന്റെ ഭാഗമായി നടന്ന വോളി മേളയില്‍അബുതുര്‍ക്കി കുറ്റിക്കടവിനെ പരാജയപ്പെടുത്തി മാട്ടുമ്മല്‍ ബില്‍ഡേഴ്‌സ് ജേതാക്കളായി.
വിജയികള്‍ക്ക് പഴകാല മുസ്‌ലിംലീഗ് നേതാവ് പരപ്പമ്മല്‍ ആലിഹാജി ട്രോഫികള്‍ വിതരണം ചെയ്തു.
റണ്ണേഴ്‌സിനുള്ള ട്രോഫി പ്രവാസി ലീഗ് നേതാവ് പി.കെ ലത്തീഫ് ഹാജി വിതരണം ചെയ്തു. ചടങ്ങില്‍ കാരന്തൂരില്‍ നിന്നും ജില്ല,സംസ്ഥാന, ദേശീയ തലത്തില്‍ കായിക രംഗത്ത് കഴിവ് തെളിയിച്ച നിയാസ് റഹ്മാന്‍ ,അതുല്യ ,മുബശിര്‍ ,അര്‍ഷാദ് ,മുഹമ്മദ് നിശാല്‍ ,റീമ ,ഷഫീക്ക് എന്നിവരെ ആദരിച്ചു.
ഒ.ഉസ്സയിന്‍ ,എം. ബാബു മോന്‍ ,ഒ. സലിം ,എന്‍.എം യൂസുഫ് ,സി അബ്ദുല്‍ ഗഫൂര്‍ ,ബഷീര്‍ മാസ്റ്റര്‍ ,ഹബീബ് കാരന്തൂര്‍ ,മാട്ടുമ്മല്‍ ഉസ്സയിന്‍ ഹാജി ,സിദ്ദീക്ക് തെക്കയില്‍ ,സിയാദ് കാരന്തൂര്‍ ,കിഷോര്‍ ,ഉമ്മര്‍ നോചാളില്‍,എം.ടി അബൂബക്കെര്‍ ,നെജില്‍ ,മന്‍സൂര്‍ ,സഹദ് ,അന്ഫാസ് ,ജാഫര്‍ പാറ്റയില്‍,ലിജാസ് കുറ്റിക്കാട്ടില്‍ സംസാരിച്ചു.