അഹമ്മദാബാദ്: കബഡി ലോകകപ്പ് പോരാട്ടത്തില്‍ ഇന്ത്യക്ക് തകര്‍പ്പന്‍ ജയം. ബംഗ്ലാദേശിനെ 57-20 പോയിന്റുകള്‍ക്ക് കീഴടക്കിയാണ് ഇന്ത്യ വിജയം പിടിച്ചത്. മികച്ച പ്രകടനം പുറത്തെടുത്ത നായകന്‍ അനൂപ് കുമാര്‍, പ്രദീപ് നര്‍വാള്‍, മഞ്ജിത് ചില്ലര്‍, രാഹുല്‍ ചൗധരി എന്നിവരുടെ മികവാണ് ഇന്ത്യന്‍ വിജയത്തിന്റെ കാതല്‍. പൂള്‍ ബിയില്‍ മൂന്നു കളികളില്‍ നിന്നു രണ്ടു ജയങ്ങളുമായി ഇന്ത്യ ഒന്നാം സ്ഥാനത്ത് നില്‍ക്കുന്നു.