തിരുവനന്തപുരം: റിപ്പബ്ലിക് പാര്‍ട്ടി ഓഫ് ഇന്ത്യ (എ) സംസ്ഥാന പ്രസിഡന്റായി ഭാനുമാസ്റ്ററേയും വൈസ് പ്രസിഡന്റായി ജോഷി തോമസിനേയും തെരഞ്ഞെടുത്തു. തിരുവനന്തപുരത്തു നടന്ന എക്‌സിക്യുട്ടീവ് കമ്മറ്റിയാണു ഭാരവാഹികളെ തെരഞ്ഞെടുത്തതെന്നു ആര്‍.പി.ഐ (എ) സൗത്ത് ഇന്ത്യന്‍ പ്രസിഡന്റ് എം. വെങ്കട്ടസ്വാമി വാര്‍ത്താസമ്മേളനത്തില്‍ അറിയിച്ചു. ഗ്രാമപഞ്ചായത്ത്, നിയമസഭ, ലോക്‌സഭ തെരഞ്ഞെടുപ്പുകളില്‍ എല്ലാ സീറ്റിലും പാര്‍ട്ടി മത്സരിക്കുമെന്ന് അദ്ദേഹം പറഞ്ഞു.