പട്ടാമ്പി: ജില്ലയിലെ കോണ്‍ഗ്രസ് സ്ഥാനാര്‍ഥികളുടെ തെരഞ്ഞെടുപ്പ് പ്രചരണത്തോടനുബന്ധിച്ച് നാളെ പട്ടാമ്പിയില്‍ പൊതുസമ്മേളനത്തില്‍ പങ്കെടുക്കുന്ന കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെ സുരക്ഷാ ക്രമീകരണങ്ങളുടെ ഭാഗമായി രാവിലെ എട്ട് മണി മുതല്‍ ഉച്ചക്ക് 2 മണിവരെ ഗതാഗത നിയന്ത്രണം ഏര്‍പ്പെടുത്തിയതായി പട്ടാമ്പി ട്രാഫിക് പൊലിസ് മേധാവി അറിയിച്ചു. പാലക്കാട് ഭാഗത്ത് നിന്നും കൂറ്റനാട് ,ഗുരുവായൂര്‍ ഭാഗത്തേക്കുള്ള വാഹനങ്ങള്‍ കുളപ്പുള്ളിയില്‍ നിന്നും തിരിഞ്ഞ് ഷൊര്‍ണൂര്‍ ചെറുതുരുത്തി എഴുമങ്ങാട് വഴി കൂട്ട്പാത വന്ന് പോകണം.ഗുരുവായൂര്‍,കുന്നംകുളം ഭാഗത്ത് നിന്നും പാലക്കാട് ഷൊര്‍ണൂര്‍ ഭാഗത്തേക്ക് പോകുന്ന വാഹനങ്ങള്‍ കൂട്ടുപാതയില്‍ നിന്ന് തിരിഞ്ഞ് എഴുമങ്ങാട് ചെറുതുരുത്തി ഷൊര്‍ണൂര്‍ കുളപ്പുള്ളി വഴി പോകേണ്ടതാണ്.പാലക്കാട് ഭാഗത്ത് നിന്നും പെരിന്തല്‍മണ്ണ ഭാഗത്തേക്കുള്ള വാഹനങ്ങള്‍ കുളപ്പുള്ളിയില്‍ നിന്ന് തിരിഞ്ഞ് കയിലിയാട്,വല്ലപ്പുഴ , കൊപ്പം വഴി പോകേണ്ടതാണ്.പെരിന്തല്‍മണ്ണ ഭാഗത്ത് നിന്നും പാലക്കാട് ഭാഗത്തേക്ക് പോകുന്ന വാഹനങ്ങള്‍ കൊപ്പത്ത് നിന്നും തിരിഞ്ഞ് മുളയങ്കാവ്,വല്ലപ്പുഴ,കയിലിയാട് വഴി കുളപ്പുള്ളിയിലേക്ക് പോകേണ്ടതാണ്. പെരിന്തല്‍മണ്ണ ഭാഗത്ത് നിന്നും കൂറ്റനാട്,ഗുരുവായൂര്‍ ഭാഗത്തേക്കുള്ള വാഹനങ്ങള്‍ കൊപ്പത്ത് നിന്നും തിരിഞ്ഞ് തിരുവേഗപ്പുറ,വെള്ളിയാങ്കല്ല് തൃത്താല വഴി കൂറ്റനാട് വന്ന് പോകേണ്ടതാണ്.ഗുരുവായൂര്‍ കുന്നംകുളം ഭാഗത്ത് നിന്നും പെരിന്തല്‍മണ്ണ ഭാഗത്തേക്കുള്ള വാഹനങ്ങള്‍ കൂറ്റനാട് നിന്നും തിരിഞ്ഞ് തൃത്താല വെള്ളിയാങ്കല്ല് തിരുവേഗപ്പുറ വഴി കൊപ്പത്ത് വന്ന്ും പോകേണ്ടതാണ്. പരിപാടിയില്‍ പങ്കെടുക്കാന്‍ വരുന്ന വാഹനങ്ങള്‍ നിശ്ചയിക്കപ്പെട്ട സ്ഥലങ്ങളില്‍ പാര്‍ക്ക് ചെയ്യണമെന്ന് പൊലിസ് അറിയിച്ചു . പുലാമന്തോള്‍ ഭാഗത്തു നിന്നും വരുന്ന വാഹനങ്ങള്‍ പുതിയ ഫിഷ് മാര്‍ക്കറ്റിന് സമീപവും കൂറ്റനാട് തൃത്താല ഭാഗത്ത് നിന്നും വരുന്ന വാഹനങ്ങള്‍ പാലം കടക്കാതെ ഞാങ്ങാട്ടിരി ഭാഗത്ത് പാര്‍ക്ക് ചെയ്യണം.കുളപ്പുള്ളി ഭാഗത്ത് നിന്നും വരുന്ന വാഹനങ്ങള്‍ ഓങ്ങല്ലൂര്‍ ഗ്രൗണ്ടിലും,ചെര്‍പ്പുളശ്ശേരി ഭാഗത്ത് നിന്നും വരുന്ന വാഹനങ്ങള്‍ മരുതൂര്‍ ഭാഗത്തും പാര്‍ക്ക് ചെയ്യേണ്ടതാണ്.പെരുമുടിയൂര്‍ - പള്ളിപ്പുറം ഭാഗത്ത് നിന്നും വരുന്ന വാഹനങ്ങള്‍ സിത്താര ഓഡിറ്റോറിയത്തിന് സമീപവും പാര്‍ക്ക് ചെയ്യണമെന്നും പരിപാടിയില്‍ പങ്കെടുക്കാന്‍ വരുന്നവര്‍ വെള്ളകുപ്പികളും ക്യാരി ബാഗുകളും ഒഴിവാക്കേണ്ടതാണന്നും പൊലിസ് അറിയിച്ചു.