ചാവക്കാട് : സെന്ററില്‍ അജ്ഞാത വാഹനം ഇടിച്ചു പലചരക്കു കട തകര്‍ന്നു. പാലയൂര്‍ സ്വദേശി കര്‍ണംകോട്ട് രമേഷ് കുമാറിന്റെതാണ് കട. നഗരത്തിലെ ഏറെ പഴക്കം ചെന്ന കടകളില്‍ ഒന്നാണ് ഇത്.
എറണാംകുളം ഭാഗത്തേക്കുവന്ന വാഹനം സെന്ററില്‍ വടക്കു ഭാഗത്തുള്ള യൂടേന്‍ തിരിയുന്ന തിനിടയില്‍ മേല്‍ കൂരയില്‍ കൊളുത്തി വലിച്ചതാവാം അപകടത്തിനു കാരണം. അപകടം വരുത്തിയ വാഹനം നിറുത്താതെ പോയി . കടഉടമ പൊലിസില്‍ പരാതി നല്‍കി. സെന്ററിലെ ക്യാമറ പരിശോധിച്ചാല്‍ അജ്ഞാത വാഹനം കണ്ടെത്താന്‍ കഴിയുമെന്ന് കരുതുന്നു.
വണ്‍വെസംവിധാനം വന്നതിനാല്‍ എറണാംകുളം ഭാഗത്തേക്കു വരുന്ന വാഹനങ്ങള്‍ വഴി തെറ്റി സമീപത്തെ കടക്കുസമീപമുള്ള യൂടേന്‍ തിരിയുമ്പോഴാണ് വീതികുറഞ്ഞ റോഡായതിനാല്‍ അപകടങ്ങള്‍ ഉണ്ടാവുന്നത്. മുകള്‍ഭാഗം തകര്‍ന്ന കടകുള്ളില്‍ മഴ പെയ്തതിനാല്‍ ജലം വീണ് സാധനങ്ങള്‍ നശിച്ചു. ഇന്നലെ തന്നെ തകര്‍ന്ന കട കേടുപാടുകള്‍ തീര്‍ത്തു.