സുല്‍ത്താന്‍ ബത്തേരി: സെന്റ് മേരീസ് കോളജിലെ യു.ജി.സിയുടെയും ഇംഗ്ലീഷ് ലാംഗ്വേജ് ടീചേഴ്‌സ് ഇന്ററാക്ഷന്‍ ഫോറവുമായി സഹകരിച്ച് ഇംഗ്ലീഷ് വിഭാഗത്തിന്റെ ആഭിമുഖ്യത്തില്‍ പി.ജി, ഡിഗ്രി വിദ്യാര്‍ഥികള്‍ക്കായി ഏകദിന ഭാഷാ ശില്‍പശാല സംഘടിപ്പിച്ചു.
സാഹിത്യത്തിലൂടെ ഭാഷാ പഠനം, അക്കാദമിക രചന എന്നീ വിഷയങ്ങളിലാണ് ശില്‍പശാല നടത്തിയത്. കോളജ് പ്രിന്‍സിപ്പല്‍ പ്രൊഫ. ഡോ. ഷേബ എം ജോസഫ് ഉദ്ഘാടനം ചെയ്തു.
ഇംഗ്ലീഷ് വിഭാഗം തലവന്‍ കെ രാമചന്ദ്രന്‍ അധ്യക്ഷനായി.
പോണ്ടിച്ചേരി സെന്‍ട്രല്‍ യൂനിവേഴ്‌സിറ്റിയിലെ മുന്‍ ഇംഗ്ലീഷ് അധ്യാപകനും ചെന്നൈ ഹിന്ദുസ്ഥാന്‍ യൂനിവേഴ്‌സിറ്റിയിലെ പ്രൊഫസറും എഴുത്തുകാരനുമായ പ്രൊഫ. ഡോ. പി ഭാസ്‌കരന്‍ നായര്‍ നേതൃത്വം നല്‍കി. പ്രോഗ്രാം കോഡിനേറ്റര്‍ ഡോ. പി.എ മത്തായി, ജോബിന്‍ തോമസ് സംസാരിച്ചു.