തിരൂരങ്ങാടി: കക്കാട്ട് എസ്.കെ.എസ്.എസ്.എഫ് പ്രവര്‍ത്തകര്‍ക്ക് നേരെ നടത്തുന്ന കാന്തപുരം വിഭാഗത്തിന്റെ അക്രമങ്ങള്‍ക്കെതിരേ പൂക്കിപ്പറമ്പ് മേഖലാ എസ്.കെ.എസ്.എസ്.എഫ് കമ്മിറ്റി പ്രതിഷേധിച്ചു. രണ്ടുതവണ പ്രവര്‍ത്തകര്‍ക്ക് നേരെയുണ്ടായ അക്രമങ്ങളിലെയും പ്രതികള്‍ ഒന്നുതന്നെയാണ്. ഇവര്‍ക്കെതിരേ ശക്തമായ നടപടികളെടുക്കണമെന്ന് യോഗം ആവശ്യപ്പെട്ടു.
അല്ലാത്തപക്ഷം ശക്തമായ പ്രക്ഷോഭങ്ങള്‍ സംഘടിപ്പിക്കും, കാന്തപുരം വിഭാഗത്തിന്റെ അതിക്രമങ്ങളെ കൈയുംകെട്ടി നോക്കിനില്‍ക്കില്ല, യോഗം മുന്നറിയിപ്പ് നല്‍കി.
അലി കുളങ്ങര, ശിഹാബ് ദാരിമി, ആസിഫ് മാസ്റ്റര്‍, സലാം ഫൈസി,റിയാസ് ഫൈസി, ഷൗക്കത്തലി, ബഷീര്‍, പി അബ്ബാസ്  സംസാരിച്ചു.