കണ്ണൂര്‍: ശ്രീനാരായണ ഗുരുവിന്റെ നമുക്ക് ജാതിയില്ല പ്രഖ്യാപനത്തിന്റെ ശതാബ്ദി ആഘോഷത്തിന്റെ ജില്ലാതല ഉദ്ഘാടനം നാളെ ഉച്ചയ്ക്ക് 2.30ന് കണ്ണൂര്‍ മുനിസിപ്പല്‍ സ്‌കൂള്‍ ഓഡിറ്റോറിയത്തില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. മന്ത്രി കെ.കെ ശൈലജ അധ്യക്ഷയാകും. നവോത്ഥാന പ്രദര്‍ശനത്തിന്റെ ഉദ്ഘാടനം മന്ത്രി രാമചന്ദ്രന്‍ കടന്നപ്പള്ളി നിര്‍വഹിക്കും. മേയര്‍ ഇ.പി ലത സപ്ലിമെന്റ് പ്രകാശനവും കലക്ടര്‍ മിര്‍ മുഹമ്മദലി കലണ്ടര്‍ വിതരണ ഉദ്ഘാടനവും നിര്‍വഹിക്കും. വൈകിട്ട് നാലിന് സെമിനാറില്‍ ഡോ. സുനില്‍ പി ഇളയിടം വിഷയാവതരണം നടത്തും. വാര്‍ത്താസമ്മേളനത്തില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ്, കലക്ടര്‍ മിര്‍ മുഹമ്മദലി, പി.കെ ബൈജു, ഇ.കെ പത്മനാഭന്‍ സംബന്ധിച്ചു.