തൃപ്രയാര്‍: രണ്ട് ദിവസം നീണ്ട് നില്‍ക്കുന്ന വലപ്പാട് മായ കോളജിന്റെ കായികോത്സവത്തിന് തുടക്കമായി.
രാജ്യത്തിന്റെ അതിര്‍ത്തിയില്‍ വീര മൃത്യു വരിച്ച ധീര ജവാന്‍മാര്‍ക്ക് ആദരാഞ്ജലി അര്‍പ്പിച്ചുള്ള ദീപ ശിഖ പ്രയാണവും, കായിക താരങ്ങളുടെ ഘോഷയാത്രയും നടന്നു. തുടര്‍ന്ന് വലപ്പാട് ഹൈസ്‌ക്കൂള്‍ ഗ്രൗണ്ടില്‍ നടന്ന കായിക മത്സരങ്ങളുടെ ഉദ്ഘാടനം ഇരിങ്ങാലക്കുട എ.എസ്.പി മെറിന്‍ജോസഫ് ഐ.പി.എസ് നിര്‍വഹിച്ചു.
ചടങ്ങില്‍ വലപ്പാട് ഗ്രാമപഞ്ചായത്ത് പ്രസിഡന്റ് തോമസ് മാസ്റ്റര്‍ അധ്യക്ഷനായി. മായ കോളജ് പ്രിന്‍സിപ്പാള്‍ ആവാസ് മാസ്റ്റര്‍, വി.സി അബ്ദുള്‍ഗഫൂര്‍, യൂനിയന്‍ ചെയര്‍മാന്‍ പ്രദീപ്കുമാര്‍, പി.ടി.എ പ്രസിഡന്റ് സജിന അശോകന്‍ തുടങ്ങിയവര്‍ സംസാരിച്ചു. കായികോത്സവം നാളെ സമാപിക്കും.