നിലമ്പൂര്‍: അകമ്പാടം- നിലമ്പൂര്‍ റോഡില്‍ മൈലാടി പാലത്തിന് സമീപം മോട്ടോര്‍ വാഹന വകുപ്പിന്റെ പരിശോധനക്കിടെ കെ.എസ്.ആര്‍.ടി.സി ബസും ലോറിയും തമ്മില്‍ ഉരസിയതിനെ തുടര്‍ന്ന് രാവിലെ മണിക്കൂറോളം ഗതാഗതക്കുരുക്കുണ്ടായി. ഒടുവില്‍ ഉദ്യോഗസ്ഥരും നാട്ടുകാരും ഇടപെട്ട് രമ്യതയിലെത്തിച്ചാണ് തടസം ഒഴിവാക്കിയത്. മൈലാടി പാലത്തിനു സമീപം അഞ്ചുദിവസവും വാഹനങ്ങളുടെ രജിസ്‌ട്രേഷന്‍, ഫിറ്റ്‌നസ് പരിശോധനകള്‍ നടത്താറുണ്ട്. ഒരു ഭാഗത്ത് വാഹനങ്ങള്‍ പരിശോധനക്ക് നിര്‍ത്തിയിടുന്നത് മൂലം ഗതാഗത തടസവും പതിവാണ്.