നിലമ്പൂര്‍:  ഇന്നും നാളെയുമായി കൊണ്ടോട്ടി മോയിന്‍കുട്ടി വൈദ്യര്‍ സ്മാരകത്തില്‍ നടക്കുന്ന കേരള എന്‍.ജി.ഒ അസോസിയേഷന്റെ 42ാമത് മലപ്പുറം ജില്ലാ സമ്മേളനത്തിന്റെ മുന്നോടിയായുള്ള പതാക ജാഥക്ക് നിലമ്പൂരില്‍ തുടക്കം കുറിച്ചു. പതാക ജാഥ കെ.പി.സി.സി അംഗം ആര്യാടന്‍ ഷൗക്കത്ത് ഉദ്ഘാടനം ചെയ്തു. കെ.പി പ്രശാന്ത് അധ്യക്ഷനായി. ജില്ലാ പ്രസിഡന്റ് വി.പി ദിനേശ് മുഖ്യപ്രഭാഷണം നടത്തി.
എം.എസ് ഷിബുകുമാര്‍, പാലോളി മെഹബൂബ്, സുനില്‍ കാരക്കോട്, അഷറഫ് പാറശ്ശേരി, പി.കെഷബീറലി, ഹബീബ് തോണിക്കടവന്‍, ആശ ആനന്ദ്, ഷുക്കൂര്‍, ജാഥ ക്യാഫ്റ്റന്‍ സി.വിഷ്ണുനാഥ് എന്നിവര്‍ സംസാരിച്ചു. വണ്ടൂര്‍, പെരിന്തല്‍മണ്ണ, മഞ്ചേരി, മലപ്പുറം, തിരൂര്‍, പരപ്പനങ്ങാടി, യൂനിവേഴ്‌സിറ്റി എന്നിവിടങ്ങളിലെ സ്വീകരണത്തിന് ശേഷം കൊണ്ടോട്ടിയില്‍ സമാപിച്ചു.