തിരുവനന്തപുരം: തെരഞ്ഞെടുപ്പ് പെരുമാറ്റച്ചട്ടം ലംഘിച്ച് ജീവനക്കാരുടെ ശമ്പളം വര്‍ധിപ്പിച്ച സി-ഡിറ്റ് ഡയരക്ടറെ സസ്‌പെന്‍ഡ് ചെയ്യാന്‍ ജില്ലാ കലക്ടര്‍ ബിജു പ്രഭാകര്‍ മുഖ്യതെരഞ്ഞെടുപ്പ് ഓഫിസറോട് ശുപാര്‍ശ ചെയ്തു. പെരുമാറ്റച്ചട്ടം ലംഘിച്ച് ശമ്പളവര്‍ധന നടപ്പാക്കിയതില്‍ വിശദീകരണം തേടി കാരണംകാണിക്കല്‍ നോട്ടീസ് മേയ് 13ന് നല്‍കിയെങ്കിലും ഡയരക്ടര്‍ മറുപടി നല്‍കിയതുമില്ല. ഇതേത്തുടര്‍ന്നാണ് നടപടിക്ക് ശുപാര്‍ശ ചെയ്തത്.