തളിപ്പറമ്പ്: മാങ്ങാട്ടുപറമ്പ് കെ.എ.പി നാലാം ബറ്റാലിയന്‍ ഗ്രൗണ്ടില്‍ നടന്നുവന്ന ജില്ലാ അത്‌ലറ്റിക് ചാംപ്യന്‍ഷിപ്പ് സമാപിച്ചു. പുരുഷ-വനിതാ വിഭാഗങ്ങളില്‍ 145 പോയിന്റുകള്‍ കരസ്ഥമാക്കി സി.എച്ച്.എം.എം.എസ് എളയാവൂര്‍ ഓവറോള്‍ ചാംപ്യന്‍മാരായി. അണ്ടര്‍ 14 വിഭാഗത്തില്‍ ജി.വി.എച്ച്.എസ്.എസ് കണ്ണൂര്‍ വനിതാ വിഭാഗം ഒന്നാം സ്ഥാനവും ജി.വി.എച്ച്.എസ്.എസ് എളയാവൂര്‍ രണ്ടാം സ്ഥാനവും നേടി. ബോയ്‌സ് വിഭാഗത്തില്‍ സി.എച്ച്.എം.എസ്.എസ് എളയാവൂര്‍ ഒന്നാം സ്ഥാനവും സെന്റ് ജോസഫ് ചെറുപുഴ രണ്ടാം സ്ഥാനവും നേടി. അണ്ടര്‍ 16 വിഭാഗം ഗേള്‍സില്‍ ജി.വി.എച്ച്.എസ്.എസ് കണ്ണൂര്‍ ഒന്നും സായ് തലശ്ശേരി രണ്ടും ബോയ്‌സ് വിഭാഗത്തില്‍ സി.എച്ച്.എം.എം.എസ് എളയാവൂര്‍ ഒന്നും സഫാ എസ്.എസ് മാട്ടൂല്‍ രണ്ടും സ്ഥാനം നേടി. അണ്ടര്‍ 18 വനിതാ വിഭാഗത്തില്‍ ജി.വി.എച്ച്.എസ്.എസ് കണ്ണൂര്‍ ഒന്നും സായ് തലശ്ശേരി രണ്ടും ബോയ്‌സ് വിഭാഗത്തില്‍ സി.എച്ച്.എം.എം.എസ് എളയാവൂര്‍ ഒന്നും ഫുസ്‌കൊ പൂപ്പറമ്പ് രണ്ടും സ്ഥാനം കരസ്ഥമാക്കി. അണ്ടര്‍ 20 ഗേള്‍സില്‍ സി.എ.എസ് കോളജ് മാടായി ഒന്നും കെ.എം.എം വുമന്‍സ് കോളജ് രണ്ടും ബോയ്‌സ് വിഭാഗത്തില്‍ സെന്റ് ജോസഫ് എച്ച്.എസ്.എസ് ചെറുപുഴ ഒന്നും സഫാ മാട്ടൂല്‍ രണ്ടും സ്ഥാനം കരസ്ഥമാക്കി. സീനിയര്‍ പുരുഷ വിഭാഗത്തില്‍ സ്‌കൂള്‍ ഓഫ് ഫിസിക്കല്‍ എഡ്യുക്കേഷന്‍ ഒന്നും കല്ലടി സ്‌പോര്‍ട്‌സ് ക്ലബ് രണ്ടും സ്ഥാനം നേടി. വനിതാ വിഭാഗത്തില്‍ സി.എ.എസ് കോളജ് മാടായി ഒന്നും കല്ലടി സ്‌പോര്‍ട്‌സ് ക്ലബ് രണ്ടും സ്ഥാനങ്ങള്‍ നേടി. 175 ഇനങ്ങളിലായി അണ്ടര്‍ 14, 16, 18, സീനിയര്‍ വിഭാഗങ്ങളിലായി ജില്ലയിലെ 1300ല്‍പരം അത്‌ലറ്റുകളാണ് മത്സരത്തിനെത്തിയത്. സമാപന സമ്മേളനത്തില്‍ കണ്ണൂര്‍ സര്‍വകലാശാലാ കായിക വിഭാഗം മേധാവി ഡോ. പി.ടി ജോസഫ് സമ്മാനദാനം നിര്‍വഹിച്ചു. അസോസിയേഷന്‍ വൈസ് പ്രസിഡന്റ് ബേബി ആന്റണി അധ്യക്ഷനായി. ട്രഷറര്‍ പി.പി ബിനീഷ് സ്വാഗതവും സെക്രട്ടറി പി നാരായണന്‍ കുട്ടി നന്ദിയും പറഞ്ഞു.