തളിപ്പറമ്പ്: തളിപ്പറമ്പ്-പയ്യന്നൂര്‍ ദേശീയപാതയില്‍ ചുടല കപ്പണത്തട്ട് വളവില്‍ കാറുകള്‍ കൂട്ടിയിടിച്ചു തീപിടിച്ചു. മൂന്നുപേര്‍ക്ക് പരുക്ക്. ഇന്നലെ രാത്രി ഒന്‍പതോടെയായിരുന്നു സംഭവം. കണ്ണാടിപ്പറമ്പ് സ്വദേശി അഷറഫ്, പയ്യന്നൂരിലെ ഇസ്മായില്‍, പാപ്പിനിശേരിയിലെ റഹീസ് എന്നിവരെ പരുക്കുകളോടെ പരിയാരം മെഡിക്കല്‍ കോളജില്‍ പ്രവേശിപ്പിച്ചു. പയ്യന്നൂര്‍ ഭാഗത്തുനിന്നു തളിപ്പറമ്പിലേക്ക് പോകുകയായിരുന്ന കെഎല്‍ 60 ജി 6506 കാറും പയ്യന്നൂരിലേക്ക് പോകുകയായിരുന്ന കെഎല്‍ 65 ഡിഒ 7212 കാറും തമ്മില്‍ കൂട്ടിയിടിക്കുകയായിരുന്നു. തളിപ്പറമ്പ് ഭാഗത്തേക്ക് പോകുന്ന കാറിന്റെ അടിഭാഗത്ത് തീപിടിച്ചത് പരിഭ്രാന്തി  പരത്തി. തളിപ്പറമ്പില്‍ നിന്നു അഗ്നിശമനസേനയെത്തുന്നതിന് മുമ്പ് തന്നെ നാട്ടുകാര്‍ തീയണച്ചതിനാല്‍ ദുരന്തം ഒഴിവായി.