പയ്യന്നൂര്‍: കെ.എസ്.യു നേതാവിനു ബസിടിച്ചു പരുക്കേറ്റ സംഭവത്തില്‍ പ്രതിഷേധിച്ചു പ്രവര്‍ത്തകര്‍ ബസ് തടഞ്ഞു. ഇന്നലെ രാവിലെയോടെയാണ് പയ്യന്നൂരിലും കാസര്‍കോട്ടുമായി പ്രവര്‍ത്തകര്‍ ബസ് തടഞ്ഞത്. കോഴിക്കോട്-കാസര്‍കോട് റൂട്ടില്‍ സര്‍വിസ് നടത്തുന്ന കെ.എല്‍. 13 വി. 9552 നമ്പര്‍ ധന്യ ബസാണ്  രാവിലെ 8.45 ഓടെ പയ്യന്നൂര്‍ നഗരസഭാ കാര്യാലയത്തിനു സമീപത്തും കാസര്‍കോട് വിദ്യാനഗറിലും കെ.എസ്.യു പ്രവര്‍ത്തകര്‍ തടഞ്ഞത്. ദിവസങ്ങള്‍ക്ക് മുമ്പ് ബൈക്കില്‍ പോവുകയായിരുന്ന കെ.എസ്.യു നേതാവ് കണ്ടോത്തെ പി.കെ രാഹുലിനു ബസിടിച്ചു പരുക്കേറ്റിരുന്നു. അപകടത്തെ തുടര്‍ന്ന് പൊലിസ് ബസ് കസ്റ്റഡിയിലെടുത്തിരുന്നു.