അടിമാലി: ശ്രീനാരായണ കള്‍ച്ചറല്‍ ഫോറം ചാരിറ്റബിള്‍ സൊസൈറ്റിയുടെ കീഴിലുള്ള അടിമാലി എസ്.എന്‍. ക്ലബ്ബിന്റെ നേതൃത്വത്തില്‍ സൗജന്യ നേത്രപരിശോധന, തിമിര ശസ്ത്രക്രിയ ക്യാമ്പ് ഇന്ന് നടക്കുമെന്ന് ഭാരവാഹികളായ എം.എസ്. അജി, സന്തോഷ് മാധവന്‍, സി.ആര്‍. സുനില്‍, സന്തോഷ് തോപ്പില്‍ എന്നിവര്‍ അറിയിച്ചു.
പാലക്കാട് അഹല്യ ഫൗണ്ടേഷന്‍ കണ്ണാശുപത്രിയുടെ സഹകരണത്തോടെയാണ് പരിപാടി സംഘടിപ്പിക്കുന്നത്. രാവിലെ ഏഴു മുതല്‍ അടിമാലി എസ്.എന്‍.ഡി.പി. യൂണിയന്‍ ഓഡിറ്റോറിയത്തില്‍ നടക്കുന്ന ക്യാമ്പ് ഈസ്റ്റേണ്‍ ഗ്രൂപ്പ് ചെയര്‍മാന്‍ നവാസ് മീരാന്‍ ഉദ്ഘാടനം നിര്‍വഹിക്കും. ക്ലബ്ബ് പ്രസിഡന്റ് എം.എസ്. അജി അധ്യക്ഷത വഹിക്കും. അടിമാലി എസ്.എന്‍.ഡി.പി. യൂണിയന്‍ പ്രസിഡന്റ് അനില്‍ തറനിലം മുഖ്യ പ്രഭാഷണം നടത്തും.
ഗ്രാമപഞ്ചായത്ത് അംഗം തമ്പി ജോര്‍ജ്, സി.എസ്. റെജികുമാര്‍, ഡോ. സത്യബാബു, എസ്. കിഷോര്‍, സന്തോഷ് തോപ്പില്‍, സന്തോഷ് മാധവന്‍, വി.ആര്‍. ശ്രീനാഥ് തുടങ്ങിയവര്‍ പ്രസംഗിക്കും.
തിമിര ശസ്ത്രക്രിയ ആവശ്യമായി വരുന്ന മുഴുവന്‍ ആളുകള്‍ക്കും യാത്രാചെലവ്, ഭക്ഷണം, ചികിത്സാ തുടങ്ങി എല്ലാ ചിലവുകളും അടക്കം സൗജന്യമായി ശസ്ത്രക്രിയ നടത്തി നല്‍കുമെന്ന് ഭാരവാഹികള്‍ അറിയിച്ചു. വിവരങ്ങള്‍ക്ക് 9447826248, 9447963051.