ഉളിയത്തടുക്ക: തകര്‍ന്ന് കിടക്കുന്ന വിദ്യാനഗര്‍- സിതാംഗോളി റോഡിന്റെ അറ്റകുറ്റ പണി ഉടന്‍ ആരംഭിക്കണമെന്ന് യൂത്ത് കോണ്‍ഗ്രസ് മധൂര്‍ മണ്ഡലം കമ്മിറ്റി ആവശ്യപ്പെട്ടു. ഗതാഗതം ദുഷ്‌ക്കരമായിട്ടും അധികൃതര്‍ തുടരുന്ന അനാസ്ഥക്കെതിരേ യോഗം പ്രതിഷേധിച്ചു. മീഡിയാ കോര്‍ഡിനേറ്റര്‍ മനാഫ് നുള്ളിപ്പാടി ഉദ്ഘാടനം ചെയ്തു. മണ്ഡലം പ്രസിഡന്റ് രാജു സ്റ്റീഫന്‍ അധ്യക്ഷനായി. കോണ്‍ഗ്രസ് നേതാക്കളായ എം. രാജീവന്‍, വി. പ്രശാന്ത്, കെ.എസ് മണി, എ. ജമീല, ഫിറോസ്, ഉസ്മാന്‍ അണങ്കൂര്‍, എം. ധര്‍മ്മധീര, മുഹമ്മദ് സ്വാദിഖ്, എസ്.പി ഹാരിസ്, എം.എ സഫ്‌വാന്‍ സംസാരിച്ചു.