കൊല്‍ക്കത്ത: പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയുടെ അനന്തരവനും തൃണമൂല്‍ കോണ്‍ഗ്രസ് എം.പിയുമായ അഭിഷേക് ബാനര്‍ജിക്ക് കാര്‍ അപകടത്തില്‍ ഗുരുതര പരുക്ക്.
ഇന്നലെ മുര്‍ഷിദാബാദില്‍നിന്നും കൊല്‍ക്കത്തയിലേക്ക് വരുന്നതിനിടെയാണ് അപകടമുണ്ടായത്.
തലയ്ക്കും തോളിനും പരുക്കേറ്റ അഭിഷേകിനെ കൊല്‍ക്കത്തയിലെ ആശുപത്രിയില്‍ പ്രവേശിപ്പിച്ചിരിക്കുകയാണ്. ദുര്‍ഗാപുര്‍ എക്‌സ്പ്രസ് ഹൈവേയില്‍ സിംഗൂരിന് സമീപമാണ് അപകടമുണ്ടായത്.
അഭിഷേക് ബാനര്‍ജിയുടെ കാര്‍ മറ്റൊരു കാറുമായി കൂട്ടിയിടിക്കുകയായിരുന്നു. അഭിഷേകിന്റെ കാര്‍ തലകീഴായി മറിഞ്ഞു തകര്‍ന്നു.