കൊയിലാണ്ടി: നഗരസഭയും തണലും ചേര്‍ന്ന് കൊയിലാണ്ടിയില്‍ നടത്തുന്ന വൃക്കക്കൊരു തണല്‍ എക്‌സിബിഷന് ഇന്ന് തുടക്കമാവും. വൃക്കരോഗങ്ങള്‍ വര്‍ധിച്ചു വരുന്ന സാഹചര്യത്തില്‍ തണല്‍ നടത്തി വരുന്ന ബോധവല്‍ക്കരണ പരിപാടിയുടെ തുടര്‍ച്ചയാണ് എക്‌സിബിഷന്‍. എന്താണ് വൃക്ക, വൃക്കരോഗങ്ങള്‍, ചികില്‍സകള്‍ പരിഹാരങ്ങള്‍, ഡയാലിസീസ് ഡെമോ, പ്രതിരോധം, സംരക്ഷണം, അവയവദാനം, കാന്‍സര്‍ കാരണങ്ങള്‍, ചികില്‍സകള്‍, പരിശോധനകള്‍ എന്നിവയാണ് പവലിയനുകളില്‍ ഒരുക്കിയിരിക്കുന്നത്. 23ന് സമാപിക്കും. പ്രവേശനസമയം കാലത്ത് ഒന്‍പത് മുതല്‍ വൈകിട്ട് ആറ്‌വരെയാണ്