സുല്‍ത്താന്‍ ബത്തേരി: വയനാട് ചെസ് അക്കാദമിയുടെയും സുല്‍ത്താന്‍ ബത്തേരി ഹോട്ടല്‍ റീജന്‍സിയുടെയും സംയുക്താഭിമുഖ്യത്തില്‍ നടത്തപ്പെട്ട ജില്ലാതല ജൂനിയര്‍ ചെസ് ടൂര്‍ണമെന്റ് സമാപിച്ചു. ജില്ലയിലെ വിവിധ സ്‌കൂളുകളില്‍നിന്നായി 90 വിദ്യാര്‍ഥികള്‍ പങ്കെടുത്തു. പ്രസിഡന്റ് ജയ്‌സണ്‍ കെ. ജോസ് വിജയികള്‍ക്ക് ഉപഹാരം നല്‍കി. ചെസ് അക്കാദമി സെക്രട്ടറി വി.ആര്‍ സന്തോഷ് അധ്യക്ഷനായി. ആര്‍. രമേഷ്, ടി.ബി സന്തോഷ് സംസാരിച്ചു.
12 വയസിനുതാഴെ പ്രായമുള്ള വിദ്യാര്‍ഥികളില്‍ അര്‍ജുന്‍ ബിജു (സുല്‍ത്താന്‍ ബത്തേരി വിദ്യാഭവന്‍), ഹരിപ്രിയ രാജ് (മാനികാവ് എ.യു.പി സ്‌കൂള്‍), ആബേല്‍ (മീനങ്ങാടി ആന്‍സ് സ്‌കൂള്‍) എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. പെണ്‍കുട്ടികളില്‍ അഖില കെ. വിജയന്‍ (തലപ്പുഴ ഗവ. യു.പി സ്‌കൂള്‍), ജന ആലുങ്കല്‍, വൈഗ വിനീഷ് എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. ഒന്‍പതു വയസില്‍താഴെ പ്രായമുള്ള വിദ്യാര്‍ഥികളില്‍ ജ്യോതിസ് (അരിമുള യു.പി സ്‌കൂള്‍), അഭിനവ് രാജ് (കേണിച്ചിറ ഇന്‍ഫന്റ് ജീസസ് സ്‌കൂള്‍) എന്നിവര്‍ ഒന്നും രണ്ടും സ്ഥാനങ്ങള്‍ നേടി.
18 വയസിനുതാഴെ പ്രായമുള്ള വിദ്യാര്‍ഥികളില്‍ ദേവാനന്ദ് ബാബു (ദ്വാരക ഹൈസ്‌കൂള്‍), എന്‍.എസ് സൗരവ് (ഗ്രീന്‍ഹില്‍ സ്‌കൂള്‍), രോഹിത് സി. റെജി (ബത്തേരി വിദ്യാഭവന്‍) എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. പെണ്‍കുട്ടികളുടെ വിഭാഗത്തില്‍ ഹെന്ന സുല്‍ത്താന (ബത്തേരി അസംപ്ഷന്‍ ഹൈസ്‌കൂള്‍), സി.ജി തീര്‍ഥ (ചീരാല്‍ ഹൈസ്‌കൂള്‍), വി.പി ആര്യ (അയ്യങ്കൊല്ലി ഹൈസ്‌കൂള്‍) എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. 15 വയസിനുതാഴെ പ്രായമുള്ള വിദ്യാര്‍ഥികളില്‍ അനന്ദു കൃഷ്ണ (കോളേരി ഗവ. ഹൈസ്‌കൂള്‍), മുഹമ്മദ് അമീന്‍, എം.എസ് നവനീദ് എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി.