മൂവാറ്റുപുഴ: കിണറ്റില്‍ വീണ ഉടുമ്പിനെ രക്ഷപ്പെടുത്തി. പിറവം തൊട്ടൂര് തോമസ് ഇട്ടൂപ്പ് കിണറ്റില്‍ വീണ ഉടുമ്പിനെയാണ് രക്ഷപ്പെടുത്തിയത്. ബുധനാഴ്ച ഉച്ചയ്ക്ക് ഒരുമണിയോടെയാണു നായ ഓടിച്ച് കൊണ്ടുവന്ന ഉടുമ്പ് തോമസ് ഇട്ടൂപ്പിന്റെ കിണറ്റില്‍ വീണത്.
ഉടന്‍ വനംവകുപ്പ് ഉദ്യോഗസ്ഥരെ വിവരമറിയിക്കുകയായിരുന്നു. കോതമംഗലം ഡെപ്യൂട്ടി റെയ്ഞ്ചര്‍ സെലിന്റെ നേതൃത്വത്തിലെത്തിയ വനം വകുപ്പ് ഉദ്യോഗസ്ഥര്‍ പായിപ്ര സ്വദേശി ഷാജി സൈത്മുഹമ്മദിന്റെ സഹായത്തോടെയാണ് ഉടുമ്പിനെ പിടീകൂടിയത്.
കിണറ്റില്‍ വെള്ളമുള്ളതിനാല്‍ മോട്ടര്‍ ഉപയോഗിച്ച് വെള്ളം വറ്റിച്ച ശേഷം കോണി ഉപയോഗിച്ച് കിണറ്റില്‍ ഇറങ്ങിയ ശേഷം കുടുക്കിട്ടാണ് ഷാജി സൈത്മുഹമ്മദ് ഉടുമ്പിനെ പിടികൂടി കരക്ക് കയറ്റിയത്. ഉടുമ്പിനെ തെട്ടക്കാടിലേക്ക് കൊണ്ടുപോയി.