മട്ടാഞ്ചേരി: എറണാകുളം റവന്യു ജില്ലാ സ്‌കൂള്‍ ഗെയിംസ് ഗുസ്തി മത്സരത്തില്‍ മട്ടാഞ്ചേരി വിദ്യാഭ്യാസ ഉപജില്ല നാല്‍പത്തിയഞ്ച് പോയിന്റുകള്‍ നേടി ചാംപ്യന്‍മാരായി.
33 പോയിന്റുകള്‍ നേടിയ വൈപ്പിന്‍ ഉപജില്ല രണ്ടും, 32 പോയിന്റുകളോടെ മൂവാറ്റുപുഴ ഉപജില്ല മൂന്നും സ്ഥാനക്കാരായി മികച്ച ഫയല്‍വാന്‍മാരുടെ വിദ്യാലയമായി ഫോര്‍ട്ടുകൊച്ചി സെന്റ്: ജോണ്‍ ഡി ബ്രിട്ടോ സ്‌കൂളിനെ തെരഞ്ഞെടുത്തു. മത്സരങ്ങള്‍ റവന്യു ജില്ലാ സ്‌കൂള്‍ ഗെയിംസ് അസോസിയേഷന്‍ സെക്രട്ടറി ജിജി സി.പോള്‍ ഉദ്ഘാടനം ചെയ്തു.
സജി ജോസഫ് അധ്യക്ഷത വഹിച്ചു. ടി.എ ഫാരിസ്, മനു ജോസഫ്, ടി.ജെ ജോര്‍ജ് ,ഷിബു ചാര്‍ലി എന്നിവര്‍ സംസാരിച്ചു.