തലശ്ശേരി: സ്‌കൂട്ടറില്‍ കടത്തുകയായിരുന്ന 10 ലിറ്റര്‍ മാഹി മദ്യം എക്‌സൈസ് സംഘം പിടികൂടി. കൂത്തുപറമ്പ് സര്‍ക്കിള്‍ എക്‌സസൈസ് ഓഫിസര്‍ എ.എസ് പുരുഷോത്തമന്റെ നേതൃത്വത്തിലുള്ള സംഘമാണ് കോടിയേരി മനേക്കര വച്ച് ഇന്നലെ ഉച്ചയോടെ മദ്യം പിടികൂടിയത്.
എക്‌സൈസ് സംഘം വാഹന പരിശോധന നടത്തുന്നതിനിടെ യുവാവ് സ്‌കൂട്ടര്‍ ഉപേക്ഷിച്ച് ഓടി രക്ഷപ്പെടുകയായിരുന്നു. പ്രിവന്റിവ് ഓഫിസര്‍ പ്രജീഷ് കുന്നുമ്മല്‍, സി.ഇ.ഒ ചന്ദ്രശേഖരന്‍, പ്രനില്‍, സുകേഷ് പങ്കെടുത്തു. പ്രതിയെ കണ്ടെത്താന്‍ എക്‌സസൈസ് സംഘം അന്വേഷണം ആരംഭിച്ചു.