ചിറ്റൂര്‍: റോഡിലൂടെ നടന്നുപോവുകയായിരുന്ന യുവതിയുടെ കഴുത്തില്‍ നിന്നും മൂന്നരപവന്റെ മാല കവര്‍ന്ന് ബൈക്കിലെത്തിയ രണ്ടംഗസംഘം രക്ഷപ്പെട്ടു. കൊഴിഞ്ഞാമ്പാറ കിണര്‍പള്ളം നന്ദകുമാറിന്റെ ഭാര്യ ഷീബ (37) ന്റെ കഴുത്തില്‍ നിന്നുമാണ് മാല കവര്‍ന്നത്.
ഇന്നലെ വൈകുന്നേരം മൂന്നരയ്ക്കാണ് സംഭവം. മാല കവര്‍ന്നശേഷം മോഷ്ടാക്കള്‍ വേലന്താവളം ഭാഗത്തേയ്ക്കാണ് ബൈക്കില്‍ രക്ഷപ്പെട്ടതെന്ന് ഇവര്‍ കൊഴിഞ്ഞാമ്പാറ പോലീസിന് നല്‍കിയ പരാതിയില്‍ പറയുന്നു.
തമിഴ്‌നാട്ടുകാരായ സംഘമാണ് സംഭവത്തിനു പിന്നിലെന്ന നിഗമനത്തിലാണ് പോലീസ് കേസെടുത്ത് അന്വേഷണം ആരംഭിച്ചിട്ടുള്ളത്. ബൈക്ക് ഓടിച്ചയാള്‍ ഹെല്‍മറ്റ് ധരിച്ചിരുന്നു. മാലകവര്‍ന്ന വ്യക്തിയെ കണ്ടാല്‍ തമിഴ്‌നാട്ടുകാരനാണെന്ന സാദൃശ്യമുള്ളതിനാലാണ് അന്വേഷണം ആ രീതിയില്‍ പുരോഗമിക്കുന്നത്.