മാവൂര്‍: വിവിധങ്ങളായ നൂതനപദ്ധതികളുമായി 40-ാം വാര്‍ഷികം ആഘോഷിക്കുന്ന മാവൂര്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ ജൂബിലിയുടെ ഭാഗമായി നടക്കുന്ന മാസാന്ത മജ്‌ലിസുല്‍ ഇല്‍മ് നാളെ തുടക്കമാകും. ആറുമാസം നീണ്ടുനില്‍ക്കുന്ന വാര്‍ഷികാഘോഷപരിപാടിയുടെ ഭാഗമായാണ് മദ്‌റസാ അധ്യാപകര്‍ക്ക് മാസാന്ത മജ്‌ലിസുല്‍ ഇല്‍മ് സംഘടിപ്പിക്കുന്നത്. സ്വഹീഹുല്‍ ബുഖാരി മുദാറസ എന്നപേരില്‍ നടക്കുന്ന പരിപാടി മാവൂര്‍ പാറമ്മല്‍ മുഹിമ്മാത്തുല്‍ മുസ്‌ലിമീന്‍ സെക്കഡറി മദ്‌റസാ ഹാളിലാണ് നടക്കുക.
മജ്‌ലിസുല്‍ ഇല്‍മിന് റഹ്മത്തുല്ലാഹ് ഖാസിമി മൂത്തേടം നേതൃത്വം നല്‍കും. യോഗത്തില്‍ കെ. മുഹമ്മദ് ബാഖവി അധ്യക്ഷനായി. എന്‍.പി അഹമ്മദ്, ചിറ്റടി അഹമ്മദ് കുട്ടിഹാജി, റഷീദ് ഫൈസി വെള്ളായിക്കോട്, ഒ.പി അഷ്‌റഫ്, അഹമ്മദ് കുട്ടി അരയങ്കോട്, മുഹമ്മദ് അഷ്‌റഫ് റഹ്മാനി, ഒ മമ്മദ് മാസ്റ്റര്‍, കെ. ജഅ്ഫര്‍, പാലപ്ര മുഹമ്മദ് മാസ്റ്റര്‍, കെ ആലിഹസ്സന്‍, മലയില്‍ അബ്ദുറഹ്മാന്‍ ഹാജി, മുഹമ്മദ് അഷ്‌റഫ് ഫൈസി തെങ്ങിലക്കടവ് സംസാരിച്ചു.