കാഞ്ഞങ്ങാട്:  ലോറിയും കാറും കൂട്ടിയിടിച്ച്  രണ്ടു പേര്‍ക്ക് പരുക്കേറ്റു. വെള്ളിക്കോത്ത് അടോട്ട് സ്വദേശികളായ പ്രഭാകരന്റെ മകന്‍ തൊക്കിഷ്, മാധവന്‍ മാസ്റ്റര്‍ എന്നിവര്‍ക്കാണ് അപകടത്തില്‍ പരുക്കേറ്റത്. കഴിഞ്ഞ ദിവസം രാത്രി പടന്നക്കാട്ടു വച്ചാണ് അപകടം. തൊക്കിഷും മാധവന്‍ മാസ്റ്ററും സഞ്ചരിച്ചിരുന്ന  കാറില്‍ ലോറിയിടിക്കുകയായിരുന്നു. പരുക്കേറ്റ ഇരുവരും ആശുപത്രിയില്‍ ചികിത്സയിലാണ്. സംഭവത്തില്‍ ലോറി ഡ്രൈവര്‍ക്കെതിരേ പൊലിസ് കേസെടുത്തു.