വല്ലപ്പുഴ: ദേശീയ ആയുര്‍വേദ ദിനമായ നാളെ ചളവറ ആയുര്‍വേദ ആശുപത്രിയില്‍ ബോധവല്‍ക്കരണവും ദിനാഘോഷവും നടത്തും. രാവിലെ 10 ന് സുധിന പരിപാടി ഉദ്ഘാടനം ചെയ്യും. ഇതോടനുബന്ധിച്ച് ഔഷധ സസ്യം നടീല്‍, ഹൈസ്‌കൂള്‍ വിദ്ധ്യാര്‍ഥികള്‍ക്ക് ക്വിസ് മത്സരം, യു.പി വിദ്യാര്‍ഥികള്‍ക്കായി ചിത്ര രചനാ മത്സരം, പ്രമുഖ വിഷവൈദ്യന്‍ മുണ്ടക്കോട്ടുകുര്‍ശ്ശി പി.പി ശങ്കരന്‍ നായരെ ആദരിക്കല്‍, പ്രമേഹ ചികിത്സ ആയുര്‍വേദത്തിലൂടെ എന്ന വിഷയത്തില്‍ എന്‍.എച്ച്.ആര്‍ മെഡിക്കല്‍ ഓഫിസര്‍ ഡോ. ഹേമമാലിനിയുടെ ബോധവല്‍ക്കരണ ക്ലാസ് എന്നിവ  നടക്കും. ഔഷധ സസ്യം നടീല്‍ പഞ്ചായത്തംഗം പി.പി അബ്ദുല്‍ റഹ്മാന്‍ നിര്‍വഹിക്കും.