ഇരിട്ടി:ഇരിട്ടി ഉപജില്ല ശാസ്‌ത്രോത്‌സവം 31 നവംബര്‍ ഒന്ന് എന്നീ ദിവസങ്ങളില്‍  ആറളം ഗവ.ഹയര്‍ സെക്കന്‍ഡറി സ്‌കൂളില്‍ നടക്കുമെന്ന് സംഘാടകര്‍ പത്ര സമ്മേളനത്തില്‍ അറിയിച്ചു. 31ന് ശാസ്ത്ര, ഗണിത ശാസ്ത്ര, ഐ.ടി മേളകളും ഒന്നിന് പ്രവര്‍ത്തി പരിചയ സാമൂഹ്യ ശാസ്ത്ര മേളകളും നടക്കും. മേളയില്‍ 110 സ്‌കൂളുകളില്‍ നിന്നായി 2500ലധികം ശാസ്ത്ര പ്രതിഭകള്‍ മാറ്റുരക്കും. ഇരിട്ടി ബ്ലോക്ക് പഞ്ചായത്ത് പ്രസിഡന്റ് എന്‍.ടി റോസമ്മയുടെ അധ്യക്ഷതയില്‍ ഇരിട്ടി നഗരസഭ ചെയര്‍മാന്‍ പി.പി അശോകന്‍ മേള ഉദ്ഘാടനം ചെയ്യും.പേരാവൂര്‍ ബ്ലോക്ക് പഞ്ചായത്ത് പ്രസിഡന്റ് ടി പ്രസന്ന മുഖ്യപ്രഭാഷണം നടത്തും. പത്ര സമ്മേളനത്തില്‍ പി.പി തോമസ്,വത്സന്‍ കക്കണ്ടി, പി.വി കുഞ്ഞി ി രവീന്ദ്രന്‍, എം ഇബ്രാഹിം, ഷൈന്‍ബാബു, പി.വി അബൂബക്കര്‍, അബ്ദുല്‍ മുനീര്‍, എം.എ ബേബി, സി ബേബി പങ്കെടുത്തു.