കോഴിക്കോട്: ഭാഷാശ്രീ സാംസ്‌കാരിക മാസിക സാഹിത്യ പുരസ്‌കാരം പ്രഖ്യാപിച്ചു. ജലം കൊത്തിപ്പറക്കുന്ന ആകാശം (കവിത)രാധാകൃഷ്ണന്‍ ഒള്ളൂര്‍, പുനഃപ്രഭ (ചെറുകഥ) പ്രസന്ന.എസ്. തിരുമുമ്പ്, നീയെന്റെ സുകൃതം(നോവല്‍) സന്ധ്യ ജലേഷ്, പതിനാലു മുണ്ടും പൊന്‍ മോതിരവും(നാടകം)ചന്ദ്രന്‍ പള്ളിക്കര, വിനസ്‌ട്രോഫോബിയ അഥവാ കുഞ്ഞിക്കുട്ടി തമ്പുരാട്ടി (കഥ) ഗംഗന്‍.വി. നായര്‍,  മുല്ലപ്പള്ളി ദാമോദരന്‍ നമ്പൂതിരി, സത്യചന്ദ്രന്‍ പൊയില്‍ക്കാവ്  (ബാലസാഹിത്യം)എന്നിവരാണ് പുരസ്‌കാരത്തിന് അര്‍ഹരായത്.
സാഹിത്യബാലസാഹിത്യ വിഭാഗത്തില്‍ 5000 രൂപ, 3000 രൂപ വീതവും പ്രശസ്തി പത്രവും മൊമന്റോയുമാണ് നല്‍കുക. പരിപാടിയില്‍ മാസികയുടെ നാലാം വാര്‍ഷികം ഉദ്ഘാടനവും വിനോദ് കുമാര്‍ എടച്ചേരിയെ ആദരിക്കലും ജാഫര്‍ ചെളിക്കോടിന്റെ വെളിപാട് കവിതാസമാഹാരം പ്രകാശനവും നടക്കും. വാര്‍ത്താ സമ്മേളനത്തില്‍ സദന്‍ കല്‍പ്പത്തൂര്‍, എന്‍.എ അബ്ദുല്‍ കരീം, മുരളീധരന്‍ പന്തീരിക്കര പങ്കെടുത്തു.