കോഴിക്കോട്: പൊതുജനമധ്യത്തില്‍ തന്നെ അപമാനിക്കാന്‍ കോഴിക്കോട് കോര്‍പറേഷന്‍ ശ്രമിച്ചെന്ന് നടന്‍ മാമുക്കോയ.

കോര്‍പറേഷന്‍ തന്നെ കൈയേറ്റക്കാരനാക്കി ചിത്രീകരിച്ചു.

കൈയേറ്റം ഒഴിപ്പിക്കാനെന്ന പേരില്‍ എത്തിയ പൊലിസ് അപമര്യാദയായി പെരുമാറിയെന്നും മാമുക്കോയ പറഞ്ഞു.

ഇന്നലെ ബേപ്പൂര്‍ റോഡിലെ അനധികൃത കൈയേറ്റങ്ങള്‍ ഒഴിപ്പിക്കുന്നതിന്റെ ഭാഗമായി മാമുക്കോയയുടെ വീട്ടിലേക്കുള്ള കോണ്‍ക്രീറ്റ് വഴി പൊളിച്ചുമാറ്റിയിരുന്നു. വീടിന്റെ ഗേറ്റില്‍ നിന്ന് റോഡിലേക്ക് കോണ്‍ക്രീറ്റ് ചെയ്ത ഭാഗമാണ് പൊളിച്ചുനീക്കിയത്. കോര്‍പറേഷന്‍ ഭൂമി കൈയേറി നിര്‍മിച്ചതാണെന്ന് കാണിച്ച് ഇന്നലെ പകല്‍ 12ഓടെയാണ് കോര്‍പറേഷന്‍ അധികാരികള്‍ ജെ.സി.ബി ഉപയോഗിച്ച് വഴി പൊളിച്ചുനീക്കിയത്.