ഊട്ടി: കുടുംബ പ്രശ്‌നവുമായി ബന്ധപ്പെട്ട് ബന്ധുക്കള്‍ തമ്മില്‍ നടന്ന സംഘര്‍ഷം കത്തിക്കുത്തില്‍ കലാശിച്ചു. ഇതില്‍ മൂന്ന് പേര്‍ക്ക് പരുക്കേറ്റു. എമറാള്‍ഡ് സ്വദേശികളായ പെരിയസ്വാമി(53), ശിവരാജ്(25), രഞ്ജിത്ത്(20) എന്നിവര്‍ക്കാണ് പരുക്കേറ്റത്. ഇവരെ ഊട്ടി ജില്ലാ ആശുപത്രിയില്‍ പ്രശേവിപ്പിച്ചു. പരുക്ക് ഗുരുതരമായതിനെ തുടര്‍ന്ന് പെരിയസ്വാമിയെ കോയമ്പത്തൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റി. സഹോദരങ്ങളായ പഴനിസ്വാമി, മണികണ്ഠന്‍ എന്നിവര്‍ തമ്മിലുള്ള കുടുംബ പ്രശ്‌നം പറഞ്ഞ് തീര്‍ക്കാനെത്തിയതാണ് ബന്ധുക്കളായ മൂവരും. എന്നാല്‍ മണികണ്ഠന്‍ മൂവരെയും കത്തികൊണ്ട് കുത്തുകയായിരുന്നു. ഇതുമായി ബന്ധപ്പെട്ട് മണികണ്ഠനെ എമറാള്‍ഡ് പൊലിസ് അറസ്റ്റു ചെയ്തു.