എരുമപ്പെട്ടി: വിദ്യാര്‍ഥികള്‍ക്ക് അപകടമുണ്ട@ാക്കുന്ന വിധത്തില്‍ സ്‌കൂളിന് മുന്നിലൂടെ ബസ് ഓടിച്ച ഡ്രൈവര്‍ക്കെതിരെ എരുമപ്പെട്ടി പൊലിസ് കേസെടുത്തു. കുന്നംകുളം-വടക്കാഞ്ചേരി റൂട്ടിലോടുന്ന ജോഷിമോന്‍ ബസിലെ ഡ്രൈവര്‍ കുന്നംകുളം സ്വദേശി രാജനെതിരെയാണ് എസ്.ഐ  പി.ടി.അനൂപ്‌മോന്‍ കേസെടുത്തത്. വ്യാഴാഴ്ച്ച വൈകീട്ട് നാല് മണിക്ക് സ്‌കൂള്‍ വിട്ട സമയത്താണ് കേസിനാസ്പദമായ സംഭവം ഉ@ണ്ടായത്. വിദ്യാര്‍ഥികള്‍ റോഡ് മുറിച്ച് കടന്ന് കൊണ്ട@ിരിക്കുന്ന സമയത്ത് വാഹനങ്ങള്‍ നിയന്ത്രിക്കുന്ന ഡ്യൂട്ടിയിലുണ്ടായിരുന്ന ഹോം ഗാര്‍ഡിന്റെ നിര്‍ദേശം ലംഘിച്ച്  ഡ്രൈവര്‍ അമിത വേഗത്തില്‍ മുന്നില്‍ നിര്‍ത്തിയിട്ടിരുന്ന വാഹനങ്ങളെ മറികടന്ന് ബസ് ഓടിച്ച് പോവുകയായിരുന്നു.  
റോഡില്‍ നിന്ന് ഇറക്കിയോടിച്ച ബസിനടിയില്‍ നിന്നും വിദ്യാര്‍ഥികളും എതിരെ വന്നിരുന്ന ബൈക്ക് യാത്രികരും നൂലിട വ്യത്യാസത്തിലാണ്  രക്ഷപ്പെട്ടത്. സമീപകാലത്ത്  സ്‌കൂളിന് മുന്നില്‍  ബസ് ഡ്രൈവര്‍മാരുടെ അശ്രദ്ധമൂലമുണ്ട@ായ അപകടത്തില്‍ കാല്‍നട യാത്രക്കാരായ ര@ണ്ട് പേര്‍ മരിച്ചിരുന്നു.