ചിക്കാഗോ: അമേരിക്കയില്‍ രണ്ടിടങ്ങളില്‍ വിമാനത്തിന് തീപിടിച്ചു. 20 പേര്‍ക്ക് പരുക്കേറ്റു. ചിക്കാഗോ വിമാനത്താവളത്തില്‍ ടേക്ക് ഓഫിനിടെ ബോയിങ് 767 വിമാനത്തിന് തീപിടിച്ചാണ് അപകടം. എന്‍ജിന്‍ തകരാറാണ് കാരണമെന്നാണ് പ്രാഥമിക നിഗമനം. മിയാമിയിലേക്ക് പോകാന്‍ തുടങ്ങുകയായിരുന്നു വിമാനം. 20 പേര്‍ക്ക് നിസ്സാര പരുക്കേറ്റുവെന്ന് അധികൃതര്‍ അറിയിച്ചു. 161 യാത്രക്കാരും 9 ജീവനക്കാരുമാണ് വിമാനത്തിലുണ്ടായിരുന്നത്. പ്രാദേശിക സമയം ഉച്ചയ്ക്ക് 2.45 നാണ് അപകടം. തീപിടിച്ചതിനു പിന്നാലെ സ്‌ഫോടനവും ഉണ്ടായതായി യാത്രക്കാര്‍ പറഞ്ഞു. ഇവരെ പിന്നീട് മറ്റൊരു വിമാനത്തില്‍ കയറ്റിവിട്ടു.
ഫ്‌ളോറിഡയിലെ ഫോര്‍ട്ട് ലോഡെര്‍ഡേല്‍ ഹോളിവുഡ് അന്താരാഷ്ട്രവിമാനത്താവളത്തില്‍ ഉച്ചക്ക് 2.35ന് ലാന്‍ഡിങിനിടെ ചരക്കുവിമാനത്തിനും സമാനരീതിയില്‍ തീപ്പിടിച്ചു.  ഫെഡ് എക്‌സ് വിമാനത്തിനാണ് തീപ്പിടിച്ചത്.