കോഴിക്കോട്: ബൈക്കപകടത്തില്‍ പരുക്കേറ്റ് മസ്തിഷ്‌ക മരണം സംഭവിച്ച ചൂലൂര്‍ മേലേടത്ത് ശിവദാസന്റെ (60) അവയവങ്ങള്‍ ദാനം ചെയ്തു.
ഇന്നലെ രാവിലെ സ്‌കൂട്ടറില്‍ പോവുകയായിരുന്ന ശിവദാസനെ വേങ്ങേരിമടത്തില്‍ വച്ച് മാവൂര്‍ ഭാഗത്തേക്കു പോവുകയായിരുന്ന മിനിബസ് ഇടിക്കുകയായിരുന്നു.
ഗുരുതരമായ പരുക്കേറ്റ ശിവദാസന്‍ മെഡിക്കല്‍ കോളജ് ആശുപത്രിയില്‍ ഉച്ചയോടെ മരണപ്പെടുകയായിരുന്നു.
സമ്മതപത്ര പ്രകാരം ശിവദാസന്റെ അവയവങ്ങള്‍ മെഡിക്കല്‍ കോളജിനു കൈമാറി. ചൂലൂരും പരിസരങ്ങളിലും നിരവധി പേര്‍ ഇതിനകം കണ്ണുകളും മറ്റും ദാനം ചെയ്തിട്ടുണ്ട്.
കൃഷിപ്പണിക്കാരനാണ് ശിവദാസന്‍. ഭാര്യ: പ്രേമ. മക്കള്‍: സൗമ്യ, രമ്യ. മരുമക്കള്‍: ഷൈജു, നിധീഷ്. സഹോദരങ്ങള്‍: ബാലന്‍, ശ്രീമതി, യശോദ, സുലോചന.