കിഴിശ്ശേരി: കാവുങ്ങപ്പാറയില്‍ റോഡരികില്‍ മാലിന്യം നിക്ഷേപിക്കുന്നു. കാവുങ്ങപ്പാറ മോങ്ങം റോഡിലാണ് വ്യാപകമായി മാലിന്യങ്ങള്‍ നിക്ഷേപിക്കുന്നത്. സല്‍ക്കാരങ്ങളിലെ അവശിഷ്ടങ്ങള്‍, പ്ലാസ്റ്റിക് മാലിന്യങ്ങള്‍, ഹോട്ടലുകളിലെയും വ്യാപാര സ്ഥാപനങ്ങളിലെയും മാലിന്യങ്ങള്‍ തുടങ്ങിയവയാണ് പ്‌ളാസ്റ്റിക് ബാഗുകളിലും ചാക്കുകളിലുമാക്കി തള്ളുന്നത്.
അറവു മാലിന്യങ്ങളും കോഴി അവശിഷ്ഠങ്ങളും റേഡരികില്‍ തള്ളുന്നതിനാല്‍ പരിസരത്ത് തെരുവു നായ്ക്കളുടെ ശല്യവും വര്‍ധിച്ചിട്ടുണ്ട്. തെരുവുനായ്ക്കള്‍ മാലിന്യങ്ങള്‍ വലിച്ച് റോഡിലും നടപ്പാതകളിലും കൊണ്ടണ്ടിടുന്നതും ജനങ്ങള്‍ക്ക് ദുരിതമാകുന്നു.
അഴുകിയ മാലിന്യം രൂക്ഷ ദുര്‍ഗന്ധത്തിനും കാരണമാകുന്നു. പരിസരത്തായി പ്രവര്‍ത്തിക്കുന്ന അങ്കണവാടിയിലെ കുട്ടികളെ ഇത് ഏറെ അലട്ടുന്നുണ്ട്.