ചെറുപുഴ: അതിര്‍ത്തി സംരക്ഷണത്തിനിടെ ജീവന്‍ ബലിയര്‍പ്പിച്ച ധീരജവാന്‍ പി.വി ദിനേശ്കുമാര്‍ അനുസ്മരണം സൗഹൃദ സ്വാശ്രയസംഘത്തിന്റെ നേതൃത്വത്തില്‍ ചുണ്ട ബസാറില്‍ നടന്നു.
അനുസ്മരണ സമ്മേളനത്തിനു മുന്നോടിയായി അനുസ്മരണ റാലി നടന്നു. സമ്മേളനം പഞ്ചായത്ത് പ്രസിഡന്റ് ജമീല കോളയത്ത് ഉദ്ഘാടനം ചെയ്തു. സി.ആര്‍പി.എഫ്  അസിസ്റ്റന്റ് കമാന്‍ഡന്റ് എ.കെ അനസ് അനുസ്മരണ പ്രഭാഷണം നടത്തി.
പഞ്ചായത്തംഗം പി രാമചന്ദ്രന്‍ അധ്യക്ഷനായി. പഞ്ചായത്ത് സ്ഥിരം സമിതി ചെയര്‍മാന്‍ ഡെന്നി കാവാലം, ബ്ലോക്ക് പഞ്ചായത്തംഗം മറിയാമ്മ അമ്പാട്ട്, പഞ്ചായത്തംഗം മനോജ് വടക്കേല്‍, ദേവസ്യാ നരിമറ്റം, വി കുഞ്ഞിരാമന്‍, രാജു ചുണ്ട, കെ രാജന്‍ സംസാരിച്ചു.